Is-Sibt 5 ta’ Settembru fil-Knisja ta’ Santa Marija ta’ Ġesù ir-Rabat, Fr. Clive Camilleri ġedded il-wegħdiet tal-kastita, ubbidjenza u bla xejn tiegħu għal sena oħra qabel jgħamel il-wegħda finali s-sena d-dieħla.

Hu għamel dan f’idejn il-Mastru P. Martin Coleiro, OFM assistit minn P. Joseph Ciappara u P. Godfrey Micallef waqt il-quddiesa tas-6.30pm.

Fr. Clive bħalissa jinsab fl-aħħar sena tal-kors tat-Teoloġija fi ħdan Università Pontificia Antonianum ġewwa Ruma. Nawgurawlu u inwegħduħ it-talb tagħna.