Bl-isem ta’ ‘GIFRAFEST reloaded’, iż-żgħażagħ Franġiskani GIFRA tal-Ħamrun, tellgħu Festival ta’ talent li l-iskop tiegħu kien wieħed nobli dak li jiġbor fondi għal ALS Malta nhar il-Ġimgħa 14 ta’ Settembru.
Dan il-Festival kellu l-għan li jerġa jressaq żgħażagħ li kienu fil-GIFRA fl-imgħoddi, kif ukoll jaħseb f’dawk li l-quddiem ikunu huma ż-żgħażagħ tal-futur. Dan il-Festival itella’ flimkien maż-żgħażagħ ta’ Għawdex u mistenni li nhar is-Sibt l-istess Festival jerġa jitella’ hemm ukoll.
Għal dan il-Festival li ikkonkorrew għad ta’ nies kienet preżenti ukoll omm Bjorn li waslet il-messaġġ tagħha fuq ix-xogħol ta’ ALS Malta kif ukoll id-detterminazzjoni li għandu Bjorn biex ikun hawn iktar għarfien fuq il-marda kif ukoll li timbena Dar Bjorn ikbar u aħjar.
Is-somma finali li ġiet ikkomunikata minn Maria,il-mara ta’ Bjorn kienet ta’ €935.50. Grazzi lil kull minn ta’ sehemu biex stajna intellgħu festival bħal dan.