Is-Sibt 6 ta’ Ottubru fil-Knisja tagħna ta Sant’ Antnin, Għajnsielem il-Fondazzjoni Ġwanni Pawlu II b’kollaborazzjoni mal-Partijiet Franġiskani ikkommemoraw l-Isqof Sylvester Carmel Magro li miet f’Jannar ta’ din is-sena.

Mgr Magro kien mir-Rabat Malta iżda l-familja tiegħu oriġinarjament hi mil-lokalità tan-Nadur Għawdex. Huwa kien Vigarju Apostoliku ta ‘Benghazi fil-Libja għal 19-il sena. Mons Magro serva għal xi żmien fil-Kunvent Franġiskan f’Għajnsielem u wara li rtira kien viżitatur frekwenti fil-kunvent.

Is-Serata li kellha l-koperazzjoni tal-Ministeru għal Għawdex u tal-Kunsill Lokali ospitat żewġ kantanti żgħażagħ Għawdxin minn Għajnsielem, it-Tenur Angelo Muscat li kanta’ biċċiet reliġjużi mir-repertorju tiegħu u l-kantanta pop Deborah C. li kantat wkoll mir-repertorju tagħha.